Visites guidées en gascon !
Era glèisa romana deth sègle XIIau der Espitau de Sent Blas, vilatjòt soletin de 52 poblants ara tremièra de Biarn, qu’ei un monument unic permors deth son hèra bon estat de conservacion i deras influéncias arquitecturaus ispanicas-maurescas hèra claras deth noste bòrd deras Pireneas. Uei en dia, era glèisa que contunha de víver mercés aths visitors i peregrins de Sent Jacme, mes tanben aras missas (sonque en basco).
Que s’i tròba tanben un molin dera fin der Atge Mejan completaments foncionader, a dus pas dera glèisa.
Que troberatz en junt aquiu devath eth detalh deras nostes activitats.
En exclusivitat tara sason 2026, que podem prepausar visitas gavidadas en gascon dera glèisa i deth molin. (dinc ath 1èr de noveme de 2026)
Eras visitas gavidadas que son sonque taths gropes de mei de 10 personas, sus reservacion, en precisar era luenga voluda ath moment dera reservacion.
Que’vs prepausam alavetz per 8 €/persona :
- Er espectacle (francés, anglés, espanhòu, alemand, basco) (Malaja, er espectacle n’ei pas disponible en gascon)
- Era visita gavidada dera glèisa (gascon, francés, anglés, espanhòu, basco)
- Era visita gavidada deth molin (gascon, francés, anglés, espanhòu, basco)
Que cau comptar 1h per ua visita completa (que ns’adaptam aths vòstes besonhs si ètz pressats).
Er espectacle i eras visitas libras que son disponibles taths individuaus shens reservacion, mes pas eras visitas gavidadas.
Qu’avem tarifas preferenciaus taths gropes a partir de 20 personas i reduccions taths chins.
Qu’èm ubèrts tot dia shens excepcion de 10h a 18h30, dinc ath 1èr de Noveme.
Que seram urós de rensenhà’vs per mail o telefòna ath 05 59 66 07 21.
⛪
Observatòri de las culturas gasconas 